భారత వ్యవసాయ సాంకేతిక అభివృద్ధికి ఇజ్రాయెల్ తోడ్పాటు!

ఇజ్రాయెల్‌లోని అగ్రి కంపెనీలను సందర్శించిన కేంద్ర వ్యవసాయ శాఖ మంత్రి శ్రీ నరేంద్ర సింగ్ తోమర్.

ఇజ్రాయెల్ పర్యటనలో ఉన్న కేంద్ర వ్యవసాయ మరియు రైతు సంక్షేమ మంత్రి శ్రీ నరేంద్ర సింగ్ తోమర్ నేతృత్వంలోని వ్యవసాయం మరియు రైతు సంక్షేమ మంత్రిత్వ శాఖ ప్రతినిధి బృందం, ఇజ్రాయెల్ ఆధారిత గ్రీన్ 2000 – అగ్రికల్చరల్ ఎక్విప్‌మెంట్ అండ్ నో హౌ లిమిటెడ్ మరియు NETAFIM Ltdని సందర్శించింది. ఇజ్రాయెల్ ప్రతినిధులతో పరస్పర చర్చ సందర్భంగా, వ్యవసాయ రంగంలో భారతదేశం మరియు ఇజ్రాయెల్ మధ్య ఏర్పడిన సంబంధాలు భారతీయ వ్యవసాయ రంగానికి కొత్త పుంతలను ఇస్తాయని శ్రీ తోమర్ అన్నారు.

ఈ సందర్శనలో నర్సరీ పద్ధతులు, పండ్ల-చెట్లు మరియు ద్రాక్షతోటలను నాటడం, పంటకోత అనంతర సాంకేతికత, గ్రీన్‌హౌస్ వ్యవసాయం, సూక్ష్మ మరియు స్మార్ట్ నీటిపారుదల వ్యవస్థలు మరియు మెరుగైన డెయిరీ మరియు పౌల్ట్రీ పెంపకం వంటి ప్రధాన అంశాల మీద చర్చలు జరిగాయి.

భారతదేశంలో ప్రధానంగా హైటెక్ డొమైన్ మరియు వ్యవసాయంలో ఇజ్రాయెల్ నుండి 300 కంటే ఎక్కువ పెట్టుబడులు వచ్చాయని శ్రీ తోమర్ చెప్పారు. వ్యవసాయ స్థాయిలో నీటి వినియోగ సామర్థ్యాన్ని పెంపొందించడం, ఇన్‌పుట్ ఖర్చును తగ్గించడం మరియు రైతుల ఆదాయాన్ని పెంచడంలో మైక్రో ఇరిగేషన్ ముఖ్యమైనదని.ఇజ్రాయెల్ కి చెందిన నెటాఫిమ్‌ ప్రముఖ మైక్రో ఇరిగేషన్ కంపెనీ భారత వ్యవసాయ నీటి పారుదలలో క్షేత్రస్థాయిలో, మైక్రో ఇరిగేషన్ మరియు డ్రిప్ ఇరిగేషన్‌ను అనుసరించడంలో తో భారతదేశానికి మంచి అనుబంధం ఉందని వ్యాఖ్యానించారు.

మైక్రో ఇరిగేషన్‌కు మరింత ఊతమివ్వడానికి, కవరేజీని విస్తరించడానికి అదనపు వనరులను సమీకరించడంలో రాష్ట్రాలకు సహాయం చేయడానికి భారత ప్రభుత్వం యొక్క నేషనల్ బ్యాంక్ ఫర్ అగ్రికల్చర్ అండ్ రూరల్ డెవలప్‌మెంట్ (నాబార్డ్)తో ఒక ప్రత్యేక మైక్రో ఇరిగేషన్ ఫండ్‌ను ఏర్పాటు చేసినట్లు కేంద్ర మంత్రి శ్రీ తోమర్ చెప్పారు.