ఆంధ్రప్రదేశ్ ముఖ్యమంత్రిగా బాధ్యతలు స్వీకరించిన వైఎస్ జగన్ ప్రజలకు ఎన్నో ప్రయోజనకరమైన పథకాలను అందించాలనే లక్ష్యంతో ముందుకు సాగుతున్నారు. ఎన్నికలకు ముందు వైఎస్ జగన్ తన పాదయాత్రలో ప్రజలకు అనేక వాగ్దానాలు చేశారు. ఈ వాగ్దానాలను నెరవేర్చేవిధంగా, ప్రజల అవసరాలను పరిష్కరించడానికి ప్రస్తుతం అనేక సంక్షేమ కార్యక్రమాలు అమలు చేస్తున్నారు.
ఈ పథకాలు ముఖ్యంగా కార్మికులు మరియు మహిళలను ఉద్దేశించి, వారికి ఆర్ధిక అవసరాలను తీర్చడానికి సహాయపడుతున్నాయి. ఒక్కో వర్గానికి ఒక్కో స్కీమ్ చొప్పున ప్రజలకు అందుబాటులోకి తెస్తుంది జగన్ ప్రభుత్వం. ప్రభుత్వం అందిస్తున్న ఈ పథకాల నుండి చాలా మంది ప్రజలు ఇప్పటికే లబ్ది పొందుతున్నారు. అలాంటి పథకాల్లో ఒకటి వాహన మిత్ర. దీనిని ఆంధ్రప్రదేశ్ ప్రభుత్వం విజయవంతంగా అమలు చేస్తుంది.
ఇటీవలి ఏపీ ప్రభుత్వం ఈ వాహనమిత్ర పథకం లబ్దిదారులకు గుడ్ న్యూస్ తెలిపింది. ఆంధ్రప్రదేశ్‌లోని జగన్ ప్రభుత్వం ఇటీవల ఆటో, టాక్సీ మరియు క్యాబ్ డ్రైవర్లకు కొన్ని సానుకూల వార్తలను అందించింది. వాహనమిత్ర పథకం కింద ముఖ్యమంత్రి వైఎస్ఆర్ ప్రకటించిన రూ.10,000 ఈ నెల 31వ తేదీన ఈ డ్రైవర్ల బ్యాంకు ఖాతాల్లో జమ చేయనున్నారు.
దీంతో పాటు కొత్త రేషన్ సరఫరా చేసే బాధ్యత కలిగిన మొబైల్ డిస్పెన్సింగ్ యూనిట్ (ఎండీయూ) ఆపరేటర్లకు కూడా ఈసారి నగదు చెల్లింపులు జరగనున్నాయి. గత సంవత్సరం, సుమారు 2.61 లక్షల మంది వ్యక్తులు ఈ పథకం ద్వారా ప్రయోజనం పొందారు, అయితే ఈ సంవత్సరం వారి సంఖ్య గణనీయంగా పెరిగింది.
ఇది కూడా చదవండి..
కేంద్రం నుండి సామాన్యులకు గుడ్ న్యూస్..! రూ.400 తగ్గిన గ్యాస్ సిలిండర్ ధరలు..
వైఎస్ఆర్ వాహన మిత్ర పథకం ద్వారా ఈ కార్యక్రమంలో లబ్ధిదారులుగా మారిన వ్యక్తులకు వార్షికంగా రూ.10 వేలు ఆర్థిక సహాయం అందజేస్తుంది. ఈ నగదు నేరుగా లబ్ధిదారుని బ్యాంక్ ఖాతాలో జమ చేయబడుతుంది. వాహన నిర్వహణ, ఫిట్‌నెస్ సర్టిఫికేట్‌లు పొందడం మరియు బీమా పొందడం వంటి వివిధ ఖర్చులను కవర్ చేసేలా చూసుకుంటూ, ప్రతి సంవత్సరం ఈ ఆర్థిక సహాయాన్ని అందించే బాధ్యతను ఆంధ్రప్రదేశ్ ప్రభుత్వం తీసుకుంటుంది.
ఆటో, టాక్సీ మరియు మ్యాక్సీ డ్రైవర్లు ఈ సహాయాన్ని పొందేందుకు అర్హులు. YSR వాహన మిత్ర పథకంలో భాగం కావడానికి, ప్రజలు ఆన్‌లైన్‌లో నమోదు చేసుకోవచ్చు. ఏపీ ట్రాన్స్ పోర్ట్ వెబ్ సైట్ లోకి వెళ్లి https://aptransport.org/ ద్వారా అప్లికేషన్ సెక్షన్‌లోకి వెళ్లి.. అన్ని వివరాలు అందించాలి.
ఇది కూడా చదవండి..
Share your comments