గ్లుటెన్ ఫ్రీ ధాన్యాల గురించి తెలుసుకోండి.

మనం సాధారణంగా బ్రెడ్, పాస్తా, పిజ్జా, ధాన్యాలు వంటివన్నీ తీసుకుంటూ ఉంటాం. వాటన్నింటిలోనూ గ్లుటెన్ అనే ప్రొటీన్ ఉంటుంది. ఇవి ఎక్కువగా బార్లీ, గోధుమలు వంటి వాటిలో ఎక్కువగా ఉంటుంది.

దీంతో పాటు సోయా సాస్, క్యాండీలు కొన్ని ఇతర ఆర్టిఫిషియల్ ఫ్లేవర్స్ లో ఉంటుంది. అయితే కొందరికి ఈ గ్లుటెన్ అస్సలు పడదు. దీనివల్ల కడుపు నొప్పి, కడుపుబ్బరం, రాషెస్, దద్దుర్లు, దురద వంటివన్ని వస్తుంటాయి. ఇలాంటి వారు గ్లుటెన్ లేని ధాన్యాలు మాత్రమే తీసుకోవాలి. ప్రస్తుతం భారత్ లో లభించే గ్లుటెన్ ఫ్రీ ధాన్యాల్లో మీకు నచ్చినవి ఎంచుకోవచ్చు. ఈ గ్లుటెన్ ఫ్రీ ధాన్యాలు గోధుమలకు మంచి ప్రత్యామ్నాయంగా పనిచేస్తాయి. సీలియాక్ వ్యాధులు ఉన్నవారు ఇలాంటి ధాన్యాలనే ఎంచుకోవాలి. వీటిని రోజువారీ డైట్ లో భాగంగా తీసుకోవడం మంచిది. సాధారణంగా మనం తీసుకునే ధాన్యాల్లో ఎన్నో పోషకాలు ఉంటాయి. ఇవి శరీరంలోని కొన్ని విటమిన్ లేదా మినరల్స్ స్థాయులు తగ్గకుండా కాపాడతాయి. అందుకే ధాన్యాలను ఒక్కసారిగా మానేయడం సరికాదు. గ్లుటెన్ ఎలర్జీ ఉంటే అది లేని కొన్ని ధాన్యాలను ఎంచుకోవడం మంచిది.

అవేంటంటే..

మిల్లెట్స్:

గోధుమలకు ప్రత్యామ్నాయంగా సజ్జలు, జొన్నలు, రాగులు, ఊదలు, వరిగెలు వంటివన్నీ పూర్వ కాలం నుంచి చాలామంది ఉపయోగిస్తూ వస్తున్నవే. ఈ ధాన్యాల్లో పోషకాలు చాలా ఎక్కువగా ఉంటాయి. సాధారణంగా వీటిని శీతాకాలంలో ఎక్కువగా తింటూ ఉంటారు. కానీ వీటిలో ఉన్న ఐరన్, ఫాస్పరస్, ఫైబర్, ప్రొటీన్ వంటివన్నీ ఎక్కువగా ఉంటాయి. ఈ ధాన్యాలతో కిచిడీ, దలియా వంటివి చేయవచ్చు. వీటిని పిండి చేసి రొట్టెలు, దోశల వంటివి కూడా చేయవచ్చు.

తోటకూర గింజలు:

మయన్ కాలం నాటి నుంచి ఉపయోగిస్తున్న ధాన్యాల్లో ఇది కూడా ఒకటి. చాలామంది ఇలా తోటకూర గింజలతో లడ్డూలు చేస్తుంటారు. అయితే దీన్ని పిండి పట్టించి దాన్ని గోధుమ పిండికి ప్రత్యామ్నాయంగా ఉపయోగించవచ్చు. ఈ ధాన్యంతో ఖీర్, టిక్కీలు, పాయసం, ఎనర్జీ బార్స్, లడ్డూలు వంటివన్నీ తయారుచేసుకోవచ్చు. అంతేకాదు.. సూపుల్లో కూడా కార్న్ ఫ్లోర్ బదులుగా ఉపయోగించవచ్చు. జెల్లీ, సాస్ లు తయారుచేసుకోవచ్చు.

క్వినోవా:

ప్రస్తుతం మన దేశంలో క్వినోవా ఎక్కువగానే లభిస్తోంది. పాపులర్ గా కూడా మారుతోంది. ఇందులో ఫైబర్, ప్రొటీన్ ఎక్కువగా ఉంటుంది. ప్రపంచంలో ఎక్కువమంది ఉపయోగించే ఆరోగ్యకరమైన ధాన్యాల్లో ఇది కూడా ఒకటి. ఇందులో యాంటీ ఆక్సిడెంట్లు కూడా ఎక్కువగా ఉంటుంది. ఒక కప్పులో ఎనిమిది గ్రాముల ప్రొటీన్ అందుబాటులో ఉంటుంది. ఐదు గ్రాముల ఫైబర్ ఉంటుంది. ఇందులో మెగ్నీషియం, మాంగనీస్, ఫాస్పరస్ వంటివి కూడా ఎక్కువగా ఉంటుంది. దీన్ని అలాగే వండుకోవడం లేదా క్వినోవా పిండితో దోశలు, బ్రెడ్ వంటివి చేయడం చేసుకోవచ్చు.

https://krishijagran.com/health-lifestyle/why-you-must-eat-gluten-free-diet-at-regular-intervals/

https://krishijagran.com/health-lifestyle/benefits-of-adding-millets-to-your-diet/